اسلام آباد (مانیٹرنگ ڈیسک)مغربی ممالک میں اس وقت جب مسلمانوں پر عرصہ حیات تنگ کر دیا گیا ہے وہیں تھائی لینڈ میں مسلمانوں کے لیے پہلے حلال ہوٹل کا افتتاح کردیا گیا ہے ۔ فور سٹار المیراث ہوٹل رنگوں اور زندگی سے بھرپور شہر بنکاک میں واقع ہے۔یہ حلا ل ہوٹل ملکی سیاحت کی ترقی اہم کردار ادا کر سکتا ہے اورتوقع ہے کہ اس پیشرفت سے سیاحت کے شعبے میں مسلمانوں کی توجہ بھی حاصل کی جا سکے گی۔گزشتہ برس 30لاکھ سیاحوں نے تھائی لینڈ کا رخ کیا تھا جن میں مسلمان سیاحوں کی تعداد صرف 6لاکھ 58 ہزار تھی۔تھائی لینڈ کے حکام کے مطابق ان میں سے زیادہ تر مسلم سیاحوں کا تعلق مشرق وسطیٰ کے ممالک سے تھا، تاہم اب حلا ل ہوٹل کی تعمیر سے ان اعدادوشمار میں اضافہ ممکن ہے۔