اسلام آباد (مانیٹرنگ ڈیسک)بھارتی وزیر نے پاکستان کو جہنم قرار دے دیا۔ نجی ٹی وی رپورٹ کے مطابق بھارتی وزیر دفاع منوہر پریکر نے پاکستان کو جہنم قرار دیتے ہوئے کہا ہے کہ پاکستان جانا یاجہنم جاناایک ہی چیز ہے ،پاکستان بڑا نقصان دینے کے قابل نہیں لیکن چھوٹے زخم دینے کی کوشش کررہا ہے۔بھارتی ٹی وی ’’سی این این نیوز 18‘‘ کے مطابق وزیر دفاع منوہر پریکر کا کہنا ہے کہ پاکستان جانا یاجہنم جاناایک ہی چیز ہے ،پاکستان بڑا نقصان دینے کے قابل نہیں لیکن چھوٹے زخم دینے کی کوشش کررہا ہے۔منوہر پریکر کا حالیہ بیان وزیراعظم نریندرمودی کے یوم آزادی کی تقریب سے خطاب کے بعد سامنے آیا ہے جس میں انھوں نے بلوچستان اور آزادکشمیر کے عوام پر پاکستانی مظالم کی بات کی تھی۔بھارتی وزیر کے بیان سے پاکستانی عوام میں غصے کی شدید لہر دوڑ گئی ہے۔ نجی ٹی وی کے مطابق بھارتی وزیر کے متنازعہ اور نفرت آمیز بیان سے دونوں ملکوں کی مفاہمتی کوششوں کو شدید دھچکا پہنچے گا۔

موضوعات:بھارتی وزیر پاکستان ایک جہنم ہے وزیر دفاع منوہر پریکر