اسلام آباد(نیوز ڈیسک) بی بی سی نے عدالتی کمیشن کے حوالے سے اپنی رپورٹ میں کہا ہے کہ مختلف ٹھیکوں میں کمیشن وصول کر نے ٗ اربوں روپے کے قرضے معاف کر انے والوں میں زیادہ تر افراد کاتعلق اپوزیشن جماعتوں سے ہے ۔ برطانوی نشریاتی ادارے کے مطابق آئینی ماہرین نے بتایاکہ حکومت کی طرف سے عدالتی کمیشن کی تشکیل کیلئے لکھے جانے والے خط میں کک بیکس کی رقم اور سیاسی اثرورسوخ استعمال کرکے قرضے معاف کروانے والوں کی تحقیقات کرنے کا ذکر کرکے کمیشن پر اضافی بوجھ ڈال دیا گیاہے۔ بی بی سی نے ماہرین کے حوالے سے اپنی میں رپورٹ میں کہاکہ اس سے اْن افراد کے بارے میں تحقیقات ہوں گی جنہوں نے مختلف ٹھیکوں میں کمیشن وصول کرنے کے علاوہ اربوں روپے کے قرضے بھی معاف کروائے اور ایسے افراد میں سے زیادہ تر افراد کا تعلق حزب مخالف کی جماعتوں سے ہے۔