بشکک(نیوز ڈیسک)کرغزستان کے وزیرِاعظم تیمر شریف نے اپنی کابینہ پر بدعنوانی کے الزامات پر عہدے سے استعفیٰ دے دیا۔غیرملکی میڈیا کے مطابق کرغزستان کے وزیراعظم تیمر شریف کی کابینہ پر بدعنوانی کے الزامات تھے جس کی تحقیقات کیلئے پارلیمنٹ نے ایک کمیشن بنایا تھا جس نے ضروری کاغذات اور لائسنس کے بغیر10 کروڑ ڈالر کا ٹھیکہ ایک چینی کمپنی کو دینے کی تحقیقات کیں جب کہ پارلیمانی کمیشن کی جانب سے ان کی کابینہ پر بدعنوانی کا الزام لگایا تھا جس کے بعد انہوں نے اپنے عہدے سے استعفیٰ دے دیا۔ تیمر شریف گزشتہ سال مئی سے ملک کے وزیراعظم ہیں تاہم وہ ملک کی معاشی بہتری کے لئے کوئی قابل قدر کام نہ کرسکے۔ دوسری جانب سوشل ڈیموکریٹس صدر کے ساتھ ہیں اور پارلیمنٹ میں ان کی ہی اکثریت ہیں ان جماعتوں میں عطا میکان اور اونوگو پروگریس جماعتیں شامل ہیں۔