ریاض (نیوزڈیسک)سعودی فضاﺅںمیں پاکستانی طیاروں کی گھن گرج،ایس ایس جی کے جوانوں نے سب کو حیران کردیا، سعودی عرب میں ہونے والی نارتھ تھنڈر نامی 21 ممالک کی فوجی مشقوں کی اختتامی پریڈ کنگ خالد سٹی میں منعقد کی گئی۔ وزیر اعظم نواز شریف ، جنرل راحیل شریف اور سعودی فرمانروا سمیت 21 ممالک کے رہنما اس موقع پر موجود تھے۔ مشقوں کے دوران اور اختتامی پریڈ میں پاک فوج نے کلیدی کردار ادا کیا۔ مشقوں میںپاکستان کے پائلٹ اور لڑاکا طیاروں نے فضائی مظاہرہ کیا۔ پاکستان کے جے ایف 17 تھنڈر طیارے اور شیر دل فارمیشن کی ٹیم فضائی مظاہروں کے روح رواں تھے جبکہ عالمی شہرت یافتہ پاکستانی کمانڈو یونٹ ایس ایس جی کے جوانوں نے فضا سے زمین پر چھلانگ لگانے کا بھرپور مظاہرہ کر کے اپنی بہترین مہارت کا ثبوت دیا۔