واشنگٹن (نیوز ڈیسک) امریکا کی موٹر ساز کمپنی جنرل موٹرز ایئربیگز میں خرابی کے باعث اندرون ملک اور کینیڈا میں فروخت کی گئی 1700 نئی گاڑیاں واپس منگوانے کا اعلان کردیا۔کمپنی کی جانب سے گزشتہ روز جاری ہونے والے بیان کے مطابق اندرون ملک سے شیورلیٹ کولوراڈو، شیورلیٹ مالبو اور جی ایم سی کینون کی 1579 گاڑیاں جبکہ کینیڈا سے 161 گاڑیاں واپس منگوائی جارہی ہیں تاکہ ان کے ایئربیگز کی مرمت کی جاسکے۔یہ تمام گاڑیاں 2016ءماڈل کی ہیں۔کمپنی کا کہنا ہے کہ ان گاڑیوں میں حادثے کی صورت ایئربیگز نہ کھلنے کی شکایات نہ ملی تھیں تاہم کسی ہلاکت یا زخمی ہونے کی اطلاع نہیں ملی۔مذکورہ گاڑیوں کی پاکستان میں تعداد نہ ہونے کے برابر ہے صرف ان افراد کے پاس ہی ایسی گاڑیاں ہیں جنہوں نے خاص طورپر انہیں درآمد کیا ہے۔