کابل(نیوزڈیسک) افغان شہر جلال آباد میں بھارتی قونصل خانے کے قریب خود کش دھماکے اور فائرنگ کے تبادلے کے بعد 5 حملہ آوروں سمیت 8 افراد ہلاک اور 197 زخمی ہوگئے۔غیرملکی خبررساں ادارے کے مطابق افغانستان کے شہر جلال آباد میں 5 حملہ آوروں میں سے ایک نے بھارتی قونصل خانے کے قریب خود کو دھماکے سے اڑا لیا جب کہ دیگر 4 دہشت گردوں نے فائرنگ شروع کردی جس کے نتیجے میں ایک پولیس اہلکار اور 2 شہری ہلاک اور 19 زخمی ہوگئے۔ دھماکا اس قدر شدید تھا کے قریبی عمارتوں کے شیشے ٹوٹ گئے تاہم دھماکے کے فوری بعد افغان پولیس نے علاقے کو گھیرے میں لیتے ہوئے آپریشن شروع کردیا جب کہ حکومتی ترجمان کا کہنا ہے کہ دو طرفہ فائرنگ کے تبادلے کے نتیجے میں چاروں حملہ آور مارے گئے ہیں۔دوسری جانب بھارتی وزارت خارجہ کا کہنا ہے کہ خودکش بمبار نے خود کو قونصل خانے کے مرکزی دروازے کے قریب دھماکے سے اڑایا جب کہ دیگر 4 حملہ آوروں نے قونصل خانے کے اندر داخل ہونے کی کوشش کی اور شدید فائرنگ بھی کہ تاہم حملے میں عملہ محفوظ رہا جب کہ جلال آباد میں ہونے والے خودکش حملے اور فائرنگ کی اب تک کسی بھی گروپ کی جانب سے ذمہ داری قبول نہیں کی گئی۔واضح رہے کہ جلال آباد میں میں بھارتی قونصل خانے کے قریب حملہ ایسے موقع پر کیا گیا کہ جب کابل میں امریکی عسکری قیادت کی تبدیلی کی تقریب جاری تھی۔