نئی دہلی(نیوز ڈیسک) بھارتی حکومت نے بالی ووڈ اداکار شاہ رخ خان ،گوندا ،اجے دیوگن اوراربازخان کی بیگمات کو خطوط جاری کئے ہیں جس میں ان اداکاروں سے پان مصالحہ اور تمباکو کی تشہیر یا ان کی پراڈکٹس کے کمرشل میں حصہ نہ لینے کی اپیل کی گئی ہے ،بھارتی میڈیا کے مطابق اس سے پہلے بھی دہلی حکومت کی جانب سے ان اداکاروں کو خطوط جاری کئے گئے تھے لیکن اب تک کوئی رد عمل نہ آنے پر ایک بار پھر حکومت نے ان کی بیگمات کو خطوط جاری کئے ہیں ،دہلی حکومت کے مطابق ان پراڈکٹس میں ایسے اجزاءکا استعمال ہوتا ہے جن سے کینسر جیسی مہلک بیماریوں میں مبتلا ہونے کے خطرات کئی گنا بڑھ جاتے ہیںجس کی وجہ سے ان بالی ووڈ اداکاروں کو پان مصالحہ کی تشریح نہ کرنے کی اپیل کی ہے کیونکہ اکثر اوقات نوجوان اپنے من پسند فلمی ستاروںکورول ماڈل تصور کر کے ان کے لائف سٹائل کو اپناتے ہوئے اس مضرصحت پراڈکٹ کا استعمال شروع کردیتے ہیں