ریاض(نیوزڈیسک)سعودی عرب کا امیر ترین شخص جس کے پاس آج کچھ نہیں،سعودی عرب سے تعلق رکھنے والے اس ارب پتی نے اپنی بیشتر دولت خیرات کر دی، باقی ماندہ اولاد میں تقسیم کر دی۔غیر ملکی خبر رساں ادارے کی رپورٹ کے مطابق سعودی عرب کے ارب پتی بزنس مین سلیمان عبدالعزیز الراجحی نے اپنی دولت کا بیشتر حصہ خیرات کرنے کے بعد باقی ماندہ جائیداد اولاد میں بانٹ دی جس کے بعد وہ خالی ہاتھ ہو گئے ہیں۔ سلیمان عبدالعزیز الراجحی نے 1987ئ میں ایک بینک کی بنیاد رکھی۔ آج اس بینک کی دنیا بھر میں سیکنڑوں برانچیں ہیں۔ ”فوربز“ جریدے کی رپورٹ کے مطابق الحاج سلیمان عبدالعزیز الراجحی کی دولت سات ارب 40 کروڑ سے زائد تھی۔ الراجحی کا کہنا ہے کہ میں نے اپنی زندگی صفر سے شروع کی اور آج ایک بار پھر اسی مقام پر کھڑا ہوں جہاں سے زندگی کا آغاز کیا تھا۔ سلیمان عبدالعزیز الراجحی نے قلی، خاکروب، باورچی اور ویٹر سمیت کئی دوسرے کام کئے۔ الراجحی نے بتایا کہ ان کی کامیابی کا راز ان تھک محنت ہے۔ وہ ہمیشہ کام پر دوسروں سے پہلے آتے اور سب سے آخر میں گھر لوٹتے تھے۔ اگر ہفتے میں نو دن بھی ہوتے تب بھی وہ اپنی مصروفیات اسی طرح جاری رکھتے۔