سرینگر (نیوزڈیسک) مقبوضہ کشمیرمیں ایک اورتاریخ رقم،بھارتی فوج کوبدترین ذلت کا سامنا،مقبوضہ کشمیر میں نامعلوم مسلح افراد اور بھارتی فورسز کے درمیان جھڑپوں میں بھارتی فوج کے کیپٹن سمیت پانچ فوجی مارے گئے -مسلح افراد کا سرکاری عمارت پر قبضہ برقرار رہا بھارتی میڈیا کے مطابق 3 مسلح افراد نے پہلے پولیس چوکی پر فائرنگ کی اور کریکر پھینکا جس کے بعد وہ قریبی سرکاری عمارت میں داخل ہوگئے ¾ قابض بھارتی فوج نے موقع پر پہنچ کر عمارت کو گھیرے میں لے لیا اور فائرنگ کا تبادلہ دوسرے روز بھی جاری رہا جس میں اب تک کیپٹن سمیت 5 بھارتی فوجی ہلاک -11 زخمی ہوگئے ہیں۔سری نگر کے انسپکٹر جنرل پولیس جاوید گیلانی کا کہنا ہے کہ 2 سے 3 مسلح افراد عمارت میں داخل ہوئے جن کی فائرنگ سے سینٹرل پریزرو پولیس کے 11اہلکار زخمی ہوگئے۔پولیس حکام کے مطابق عمارت میں 60 سے 90 افراد موجود ہیں ¾فوج اور پولیس نے عمارت کو چاروں طرف سے گھیر کر مسلح افراد کے خلاف آپریشن شروع کردیا ہے جو دوسرے روز بھی جاری رہا تاہم بھارتی فوج کو تاحال کوئی کامیابی نہیں مل سکی۔