لندن(نیوز ڈیسک)برطانوی وزارت دفاع نے کہا ہے کہ برطانوی فضائی حدود کی طرف بڑھتے ہوئے دو روسی بمبار طیاروں کو روکنے کے لیے برطانوی فضائیہ کے ٹائفون طیاروں کو اڑایا گیا تھا۔غیرملکی خبررساں ادارے کے مطابق برطانوی فضائیہ کے طیاروں کو سکیورٹی الرٹ کے بعد برطانوی کاو ¿نٹی لنکن شائر میں واقع کونگسبائی کے فضائی اڈے سے روانہ کیا گیا ۔فضائیہ کے ایک ترجمان نے کہا کہ روس فضائیہ کے بلیک جیکس برطانوی فضائی حدود میں داخل نہیں ہوئے تاہم وہ ایک ایسے علاقے میں تھے جو برطانوی سکیورٹی کے لیے اہمیت رکھتا ہے۔برطانوی فضائیہ کا کہناتھا کہ اس طرح کے واقعات ہوتے رہتے ہیں اور ایسے کسی بھی الرٹ کی صورت میں لڑاکا طیاروں کو فوراً روانہ کیا جاتا ہے۔