اسلام آباد(نیوزڈیسک) سعودی وزیرخارجہ عادل الجبیر نے کہاہے کہ ان کا ملک سرحدپارکسی قسم کے عزائم نہیں رکھتاتاہم فی الوقت ہدف بشارالاسد کو اقتدار سے باہر نکالنا ہے اور یہ مقصد حاصل کرکے رہیں گے تاہم اس میں کچھ وقت لگ سکتاہے۔ امن کانفرنس سے خطاب کرتے ہوئے عادل الجبیر کاکہناتھاکہ شام کے اقتدار سے بشار الاسد کی بیدخلی کے ساتھ ہی وہاں پر داعش کے لئے سازگار ماحول ختم ہو جائے گا، خطے کو متعدد چیلنجوں کا سامنا ہے جس میں سب سے بڑا دہشت گردی کا سامنا اور ترقی کا ہدف حاصل کرنا ہے۔