نئی دہلی (نیوز ڈیسک)نئی دہلی کی جواہر لال نہرو یونیورسٹی میں کشمیر ی رہنماافضل گورو اور مقبول بٹ کی پھانسی کے خلاف اور کشمیریوں سے اظہار یکجہتی کے حوالے سے منعقدہ تقریب کے دوران’’ پاکستان زندہ آباد‘‘ کے نعرے لگ گئے ،یونیورسٹی انتظامیہ نے طلباء کے خلاف تادیبی کاروائی کاحکم دیدیاجبکہ وزیر داخلہ راجناتھ سنگھ ،سمرتی ایرانی اور دہلی پولیس کمشنر سے ملک دشمن سرگرمیوں میں ملوث طلباء کے خلاف کاروائی کا مطالبہ کیا گیا ہے ۔بھارتی میڈیا کے مطابق دہلی کی جواہر لال نہرو یونیورسٹی کے کیمپس میں کشمیر ی رہنماافضل گروو اور مقبول بٹ کی پھانسی کے خلاف اور کشمیریوں سے اظہار یکجہتی کے حوالے سے منعقدہ تقریب منعقد کی گئی اس موقع پر کیمپس میں ہر جگہ افضل گورو اور مقبول بٹ کے عدالتی قتل کے خلاف پوسٹر چسپاں کیے گئے تھے ۔تقریب کے دوران ’’پاکستان زندہ باد ‘‘ بھی لگ گئے ۔یونیورسٹی انتظامیہ نے افضل گورو کی پھانسی کے خلاف تقریب پر پابندی کے باوجود کیمپس میں تقریبمنعقد کرنے پر طلباء کے خلاف تادیبی کاروائی کا حکم دیدیا ہے ۔ادھر ایسٹ دہلی کے ایم پی اور بی جے پی کے قومی سیکرٹری مہیش گرری نے وزیر داخلہ راجناتھ سنگھ ،سمرتی ایرانی اور دہلی پولیس چیف کمشنر کو کو خط سے تقریب منعقد کرنے والے اور پاکستان زندہ باد کے نعرے لگانے والے طلباء کے خلاف کاروائی کامطالبہ کیا ہے۔مہیش گرری نے وزیر داخلہ سے مطالبہ کیا کہ واقعے کے ذمہ دار طلباء کے خلاف ایف آئی آر درج کرنے کا حکم دیا جائے۔