دہلی (نیوز ڈیسک) دہلی کے وزیر اعلیٰ اروند کیجریوال کی سادگی عوام کو پسند نہ آئی ، مکینیکل انجینئر نے کیجریوال سے نئے اوراچھے جوتے لینے کا مطالبہ کر دیا اور ساتھ میں تین سو چونسٹھ روپے بھی بھجوا دیئے۔مختلف ممالک میں عوام اپنے حکمرانوں کی شاہ خرچیوں کا رونا روتے ہیں لیکن بھارت میں الٹی گنگا بہنے لگی ، مکینیکل انجینئر کو عام آدمی پارٹی کے رہنما اروند کیجریوال کی سادگی ایک آنکھ نہ بھائی۔سْمیت اگروال نے دہلی کے وزیر اعلیٰ کے نام لکھے گئے خط میں ان سے نئے جوتے لینے کا مطالبہ کرتے ہوئے کہا ہے کہ دو لاکھ سے زائذ کی تنخواہ لینے والے کیجریوال کو نئے جوتے لینے چاہیے تا کہ بھارت کو شرمندگی نہ ہو۔سْمیت نے جوتے خریدنے کے لیے کیجریوال کو 364 روپوں کا ڈرافٹ بھی بھجوایا ، کیجروال نے فرانسیسی صدر سے ملاقات کے دوران سادہ چپل پہنی تھی