لند(نیوزڈیسک) برطانوی حکومت نے مالی پابندیوں سے متعلق ایک فہرست میں ہندوستان کو مطلوب انڈرورلڈ ڈان داؤد ابراہیم کو بھی شامل کرلیا۔اکانومک ٹائمز کی ایک رپورٹ کے مطابق فہرست میں ان کے چار پاکستانی پتے بھی درج ہیں، جو انہوں نے مبینہ طور پر ماضی میں استعمال کیے۔ تمام پتے کراچی کے بتائے گئے ہیں، لیکن یہ پتے بظاہر درست نظر نہیں آتے:داؤد ابراہیم کاسکر، مکان نمبر 37،گلی نمبر 30، ڈیفنس، ہاؤسنگ اتھارٹی، کراچی، پاکستاننور آباد، کراچی، پاکستان (ایک پہاڑی علاقے میں محل نما بنگلہ)وائٹ ہاؤس، نزد سعودی مسجد، کلفٹن، کراچی، پاکستان29 مارگلہ روڈ، سیکٹر ایف 2/6،گلی نمبر22، کراچی پاکستانپہلے پتے میں یہ نہیں بتایا گیا کہ یہ یہاں ڈیفنس کے کون سے فیز کی بات ہو رہی ہے جبکہ دوسرا پتہ ‘نور آباد’ کا ہے جو کراچی میں موجود ہی نہیں۔ کراچی میں نوریہ آباد کا علاقہ ہے تاہم یہ کوئی پہاڑی علاقہ نہیں۔اسی طرح چوتھا پتہ کراچی کےبجائے اسلام آباد کا ہے۔اسلام آباد متعدد بار داؤد کی پاکستان میں موجودگی کو مسترد کر چکا ہے، تاہم ہندوستان کا اصرار رہا ہے کہ انڈر ورلڈ ڈان پاکستان ہی میں موجود ہیں۔برطانوی فہرست میں داؤد ابراہیم کے علاوہ لبریشن ٹائیگرز آف تمل ایلم، خالصتان زندہ آباد فورس، انٹرنیشنل سکھ یوتھ فیڈریشن اور حزب المجاہدین بھی شامل ہیں۔