نئی دہلی (نیوز ڈیسک )بھارتی دبنگ خاتون نے وزیراعظم نریندر مودی کے قافلے کے آگے گملا پھینک دیا جس کے باعث سیکیورٹی اہلکاروں کی دوڑیں لگ گئیں تاہم خاتون کو پولیس نے حراست میں لے لیاہے ۔
بھارتی میڈیا کا کہناہے کہ بھارتی وزیراعظم نریندرمودی کا قافلہ دہلی کے علاقے وجے چوک سے گزر رہاتھا کہ ایک خاتون اچانک سڑک پر آئی اور گملا سڑک کے درمیان میں پھینک دیا جس کے وزیراعظم کی سیکیورٹی اہلکاروں میں کھلبی مچ گئی تاہم پولیس اہلکاورں نے فوری کارروائی کرتے ہوئے خاتون کو حراست میں لے کر پولیس سٹیشن منتقل کر دیاہے ۔بھارتی میڈیا کا کہناہے کہ خاتون دراصل نریندرمودی سے ملنا چاہتی تھی لیکن بھارتی وزیراعظم کے سیکیورٹی سٹاف نے ان سے ملاقات نہیں کرنے دی جس پر خاتو ن نے غصے میں آکر گملا ہی قافلے کے آگے پھینک دیا ۔