نئی دہلی(نیوز ڈیسک)بھارت میں بم کی اطلاع پر مسافر طیارے نے ہنگامی لینڈنگ کی تاہم تلاشی کے بعد اطلاع جھوٹی ثابت ہو ئی اور جہاز کو پرواز کےلئے کلیئر کر دیا گیا۔بھارت کی نجی فضائی کمپنی کے طیارے کو بم رکھے جانے کی اطلاع کے بعد بھارت کےمغربی شہر ناگ پور میں ہنگامی لینڈنگ کرنا پڑی۔بھارتی میڈیا کے مطابق نجی ایئر لائن کے ترجمان نے بتایا کہ طیارے پر ایک سو پچاس مسافر سوار تھے اور یہ ہوائی جہاز ممبئی جا رہا تھا۔ گو ایئرپورٹ حکام کے مطابق تمام مسافروں اور ان کے سامان کو جہاز سے اتارنے کے بعد پوری طرح تلاشی لینے کے بعدجہازکو کلیئر کردیا گیا۔