انقرہ(نیوزڈیسک)ترکی نے داعش سے استنبول حملے کا بدلہ لے لیا،ترک وزیراعظم کا اہم اعلان،ترک وزیر اعظم احمد داو¿د اوغلو کا کہنا ہے استنبول حملے کا بدلہ لے لیا۔ ترک فوج نے شام اور عراق میں داعش کے ٹھکانوں پر 500 مرتبہ فائرنگ کر کے 200 انتہا پسندوں کو ہلاک کر دیا۔ بیرون ملک تعینات ترک سفیروں کے اجلاس سے خطاب کرتے ہوئے وزیراعظم احمد داو¿د اوغلو نے کہا کہ ضرورت پڑنے پر انتہا پسندوں کے ٹھکانوں پر فضائی حملے بھی کر سکتے ہیں۔ انہوں نے کہا عراق اور شام کی سرحد پر داعش کےٹھکانوں کوگزشتہ اڑتالیس گھنٹوں میں پوری قوت کے ساتھ نشانہ بنایا گیا ہے۔ منگل کو ایک خودکش بمبار نے استنبول کے سیاحتی مقام پر دھماکا کر کے دس جرمن سیاحوں کو ہلاک کر دیا تھا اور اسکی ذمہ داری داعش نے قبول کی تھی۔