دمشق(نیوز ڈیسک)شدت پسند تنظیم داعش نے اپنے دہشت گردوں کو داڑھیاں مونڈنے اور مسجد میں نہ جانے کی اجازت دیدی۔غیرملکی میڈیا کے مطابق داعش کے کارکنوں نے ایک کتابچہ چھاپا ہے جس میں ان اراکین کے لیے جو تن تنہا دہشت گردی کرتے ہیں مشورے ہیں۔ 58 صفحات پرمشتمل اس کتابچے میں ایسے مشورے ہیں کہ دہشت گردی کرنے کی تیاری کے دوران کس طرح قانون نافذ کرنے والوں اور خصوصی ایجنسیوں کے اہلکاروں کی نگاہوں میں آنے سے بچا جائے۔دہشت گردی کی تیاری کرتے ہوئے داعش کا نظریہ اجازت دیتا ہے کہ شیو کی جائے، عام لباس پہنا جائے۔ قابل ذکر امر یہ ہے کہ جنگجو جو دوسرے مذاہب کے پیروکاروں سے اپنی نفرت کے لیے معروف ہیں، کو ہدایات دی گئی ہیں کہ وہ اپنے لباس پر دوسرے مذاہب کی علامات استعمال کریں تاکہ ہجوم میں گم ہوا جا سکے۔ یہ بھی کہا گیا ہے کہ کارروائی کے مواقع پر بھڑکدار رنگ کا لباس نہ پہنا جائے۔