4 فریقی اجلاس میں افغان طالبان رہنماؤ ں کی رہائی، پابندیاں ہٹانے پرغور

13 جنوری‬‮ 2016 |

HERAT, AFGHANISTAN - NOVEMBER 4: Surrendering Taliban militants stand with their weapons as they are presented to the media on November 4, 2010 in Herat, Afghanistan. Twenty Taliban fighters from Afghanistan's Herat province have surrendered to government troops in Herat, west of the capital city of Kabul. After an amnesty launched by President Hamid Karzai in November 2004, hundreds of anti-government Taliban militants have since surrendered to the government. (Photo by Majid Saeedi/Getty Images)

اسلام آباد(نیوز ڈیسک) افغان حکومت اورطالبان کے درمیان معطل شدہ مفاہمتی عمل کے آغاز کیلیے تشکیل کردہ 4 ملکی ’’رابطہ کمیٹی‘‘ نے اقوام متحدہ کی طالبان پر عائد پابندیوں کی فہرست سے بعض طالبان رہنماؤں کے ناموں کے ممکنہ اخراج اور کچھ طالبان قیدیوں کی رہائی سمیت اعتماد سازی کے اہم اقدامات پر غورکیاہے۔ذرائع کے مطابق پیر کو 4 فریقی اجلاس میں اعتماد سازی کے جن اقدامات پر غور کیا گیا ان میں ایک معاملہ طالبان پر پابندیوں کے حوالے سے اقوام متحدہ کی متعلقہ کمیٹی کی فہرست سے کچھ طالبان رہنماؤں کے ناموں کو ممکنہ طور پر خارج کرنیکا اقدام بھی شامل ہے۔ذرائع نے یہ بتانے سے گریز کیا کہ یہ تجویز کس کی طرف سے آئی تاہم یہ ضرورکہا کہ کمیٹی میں شامل ممالک کے حکام اس بات پر متفق ہیں کہ معطل شدہ امن مذاکرات کی دوبارہ شروعات کیلیے اعتمادسازی کے اقدامات کرنا ضروری ہے۔