گورداس پور(نیوزڈیسک)صرف دو آدمی۔۔! پٹھان کوٹ ایئربیس کے بعد ایک اورحملے کی اطلاع،بھارت میں کھلبلی مچ گئی،بھارتی سیکیورٹی فورسز کا گورداس پور میں سرچ آپریشن،پٹھان کوٹ حملے کے بعد بھارتی سیکیورٹی فورسز بوکھلاہٹ کا شکار ہو گئی۔ گورداس پور میں حملہ آوروں کی موجودگی کی اطلاع پر سرچ آپریشن شروع کر دیا۔ پٹھانک وٹ حملے میں اندرونی عناصر کے ملوث ہونے پر تفتیش کی جاری ہے۔پٹھان کوٹ حملہ بھارتی سیکیورٹی فورسز کے ماتھے کا ٹیکہ بن چکا۔ خفت مٹانے کے لیے گورداس پور میں ایک اور آپریشن شروع کر دیا۔ بھارتی میڈیا کے مطابق مقامی لوگوں کی جانب سے دو حملہ آوروں کی موجودگی کے دعوے کے بعد یہ آپریشن شروع کیا گیا۔ دوسری جانب پٹھان کوٹ ائیر بیس پر حملے کے بعد بھارت کے اہم شہروں میں سیکیورٹی بڑھا دی گئی ہے جبکہ حملے میں اندرونی عناصر کے ملوث ہونے کی تحقیقات کی جا رہی ہیں۔