نئی دہلی (نیوز ڈیسک) بھارت نے مذاکرات کی بحا لی کیلئے مسعود اظہر کی گرفتاری کا مطالبہ کر دیا ہے۔ تفصیلات کے مطابق پاکستانی حکام کے مطابق دونوں ممالک کے قومی سلامتی کے مشیروں کی دسمبر میں ہونے والی ملاقات میں مذاکرات کی بحالی کا فیصلہ کیا گیا۔ اس ضمن میں بھارتی قومی سلامتی کے مشیر اجیت دیول نے پاکستانی مشیر برائے قومی سلامتی ناصر جنجوعہ سے کم از کم تین مرتبہ ٹیلی فونک رابطہ کیا۔یہ رابطہ پٹھان کوٹ ائیر بیس پر ہونے والے حملے اور وہاں جاری فائرنگ کے دوران بھی جاری رہا۔ بھارتی اسٹیبلشمنٹ حکام نے اس حملے کی پوری ذمہ داری جیشٍ محمد پر عائد کی ہے۔ بھارتی حکام کا ماننا ہے کہ جیش محمد ہی کے باعث دونوں ممالک تیسری مرتبہ جنگ کے دہانے پر کھڑے ہیں۔ پاکستانی حکام کے ذرائع نے بتایا کہ پاکستانی حکومت کی جانب سے عارضی طور پر جیشٍ محمد کے سربراہ مسعود اظہر کو گرفتار کیا جا سکتا ہے تاکہ بھارت کو مطمئن کیا جا سکے۔ تاہم پاکستان بھارت سے پٹھان کوٹ ائیر بیس حملہ آوروں کے ڈی این اے اور لاشوں سمیت دیگر ثبوت کی فراہمی کی ا±مید بھی رکھتا ہے۔