نئی دہلی (نیوزڈیسک )بھارت میں ہندو نے اپنی اراضی مسجد کیلئے دینے کا اعلان کر دیا ۔بھارتی میڈیا کے مطابق بھارت میں واقع ددسیا گاﺅں کے مسلمانوں کی خواہش تھی کہ مسجد کا احاطہ وسیع کیا جائے جس کیلئے انہیںزمین درکار تھی تاہم اس میں مشکل یہ تھی کہ مسجد سے متصل زمین ایک ہندو کی ملکیت تھی۔ گاﺅں کے مسلمان دیپک تیاگی نامی اس ہندو شخص کے پاس درخواست کے ساتھ گئے کہ وہ اپنی زمین ان کو مسجد کے لئے فروخت کر دے لیکن دیپک تیاگی نے مسجد کے لئے اپنی جگہ مفت میں دینے کا اعلان کیا۔ ددسیا گاﺅں کے لوگوں کا کہنا ہے کہ یہاں لوگ اتحاد اور اتفاق کے ساتھ رہتے ہیں۔ یہاں کسی قسم کا کوئی جھگڑا نہیں ہوتا۔ددسیا گاﺅں سے محض تین کلومیٹر دور پر واقع ٹیگا والی گاﺅں میں بھی اس طرح کی ایک مثال دیکھنے کو ملی جہاں گزشتہ مہینے پہلے ہندﺅں نے ایک مسجد کی مالی مدد کرتے ہوئے ایک ہال تیار کروایا تھا۔