دبئی(نیوزڈیسک) یواے ای نے ایران کے ساتھ سفارتی تعلقات کم کرنے کا اعلان کر دیا ہے۔عرب نیوز چینل کے مطابق خلیجی ممالک اور ایران کے درمیان تعلقات مزید کشیدہ ہو گئے ہیں۔ سعودی عرب، بحرین اور سوڈان کی جانب سے ایران کیساتھ ہرقسم کے سفارت اور دیگر تعلقات ختم کرنے کے بعد اب یواے ای کی حکومت نے ایران کیساتھ سفارتی تعلقات کم کرنے کا اعلان کرتے ہوئے ایران میں اپنے سفیر کو ملک واپس بلا لیا ہے۔یواے ای نے یہ فیصلہ ایران کی جانب سے خلیجی اور عرب ممالک کے معاملات میں مسلسل مداخلت کے بعدکیاہے ۔