کابل (نیوز ڈیسک) افغانستان مزار شریف میں بھارتی قونصل خانے میں فائرنگ کا تبادلہ جاری ہے ۔ بھارتی قونصل جنرل کے مطابق اسپیشل فورسز کا حملہ آورں کےخلاف آپریشن جاری ہے۔ گزشتہ شب بھی بھارتی قونصل خانے کے قریب فائرنگ اور دھماکوں کی آوازیں سنی گئی تھیں۔ سیکیورٹی فورسز نے اطراف کے علاقے کو بھی گھیرے میں لے رکھا ہے۔ صوبہ بلخ کے گورنر کہنا ہے کہ بھارتی قونصلیٹ پر حملہ گزشتہ شب کیا گیا ‘4حملہ آوروں نے بھاری ہتھیاروں سے حملہ کیا اور حملے کے دوران 2حملہ آورمارے گئے جبکہ دیگر 2فائرنگ کا تبادلہ جاری ہے‘ مقامی افراد کے مطابق قونصل خانے کے قریب دو زور دار دھماکوں کی آواز بھی سنی گئی ہیں۔ بھارتی قونصل خانے پر حملہ ایسے وقت میں کیا ہے کہ جب بھارتی سیکیورٹی فورسز 3روز سے پٹھان کوٹ ائیربیس کلیئر کرانے میں مصروف ہیں۔ حملہ آوروں اور سیکیورٹی فورسز کے درمیان فائرنگ کا تبادلہ جاری ہے ۔