اسلام آباد(نیوز ڈیسک) سعودی عرب میں شیعہ عالم نمرالنمر کی سزائے موت پر امریکہ بھی میدان میں آگیا اور اس ضمن میں تشویش کا اظہار کرتے ہوئے کہاکہ نمر کی موت سے مشرق وسطیٰ میں فرقہ وارانہ دشمنی مزید بھڑک سکتی ہے۔امریکی محکمہ خارجہ نے اس خواہش کا اظہار کیاکہ خطے کے رہنماﺅں کودونوں ممالک کے درمیان موجود تناﺅ کوکم کرنے کی کوشش کرنی چاہیے۔اپنے ایک بیان میں ترجمان جان کربی نے سعودی حکومت سے اپیل کی ہے کہ انسانی حقوق کا تحفظ اور عزت کی جائے اور یہ یقینی بنایاجائے کہ عدالتی معاملات شفاف طریقے سے آگے بڑھیں۔