دبئی (نیوزڈیسک) دبئی میں برج خلیفہ کے علاقے میں ہوٹل میں آگ لگنے کے باﺅجو د دبئی انتظامیہ نے کہاہے کہ نئے سال کی تقریبات گزشتہ سال کی طرح اس سال بھی جاری رہیں گی ۔غیرملکی میڈیاکے مطابق دبئی انتظامیہ نے کہاہے کہ نئے سال کی تقریبات جاری رہیں گی ۔واضح رہے کہ برج خلیفہ کے قریب ہوٹل میں آگ لگ گئی جس نے دیکھتے ہی دیکھتے ہوٹل کی کئی منزلوں کو اپنی لپیٹ میں لے لیا۔اماراتی میڈیا کے مطابق دبئی میں برج خلیفہ کے قریب 63 منزلہ ”دی ایڈریس ڈاون ٹاون“ ہوٹل میں آگ لگ گئی جس نے دیکھتے ہی دیکھتے عمارت کی 20 منزلوں کو اپنی لپیٹ میں لے لیا۔ مقامی میڈیا کے مطابق آگ لگنے سے عمارت کے گرد دھوئیں کے بادل چھاگئے اور آتشزدگی سے عمارت کا ایک حصہ مکمل طور پر جل چکا ہے، ریسکیو حکام نے آگ پر قابو پانے کے لیے کوششیں شروع کردی ہیں۔مقامی میڈیا کا کہنا ہےکہ نئے سال کے استقبال کے لیے ہوٹل پر آتش بازی کا انتظام کیا جارہا تھا جس کے باعث عمارت میں اگ لگنے کے امکان کو خارج نہیں کیا جاسکتا ہے جب کہ ہوٹل میں سال نو کی مناسبت سے سیاحوں کی بڑی تعداد ٹھہری ہوئی تھی جنہیں عمارت سے نکالنے کا سلسلہ جاری ہے۔ایک نجی ٹی وی چینل کے مطابق اس ہوٹل میں پاکستانی کی بھی بڑی تعدادموجودہے جوکہ اس ہوٹل میں موجودہے۔