کینبرا(نیوزڈیسک) آسٹریلیا کے جنگل میں گزشتہ روز لگنے والی آگ بے قابو ہوگئی اور اس کے نتیجے میں قریبی علاقے میں واقع 100 گھر جل کر راکھ ہوگئے۔غیرملکی میڈیاکے مطابق آسٹریلیا کی جنوب مغربی ریاست وکٹوریہ کے سیاحتی مقام گریٹ اوشن روڈ کے قریبی جنگل میں گزشتہ روزلگنے والی آگ بے قابو ہوگئی اوراس کی زد میں آکرقریبی علاقے کے 100 گھرنذرآتش ہوچکے ہیں۔ مقامی میڈیا کے مطابق 500 سے زائد ریسکیو اہلکار آگ کو بجھانے کی کوشش کررہے ہیں جب کہ قریبی قصبوں میں آباد گھروں کو خالی کرالیا گیااور پورے علاقے میں سیاحوں کے داخلے پر پابندی عائد کردی گئی حکام کا کہنا ہے کہ یہ آگ آسمانی بجلی گرنے سے لگی ہے اورگرمی اور خشکی کے باعث آگ کے مزید پھیلنے کا خدشہ ہے۔ حکام کے مطابق واقعے میں کسی جانی نقصان کی اطلاع نہیں ملی تاہم آتشزدگی کے نتیجے میں جنگل کا ایک وسیع حصہ جل کر خاکستر ہوچکا ہے۔