کابل(ویب ڈیسک)افغانستان کی حکومت نے بالاآخرمان لیاہے کہ کالعدم تحریک طالبان پاکستان کا سربراہ ملافضل افغانستان میں چھپا بیٹھا ہے۔افغانستان کے چیف ایگزیکٹوڈاکٹرعبدا اللہ عبداللہ نے کابل میں ٹی وی سے گفتگو میں کالعدم تحریک طالبان کے سربراہ کے ایک کارروائی میں بچ نکلنے کے انکشاف کے علاوہ دہشت گردی کے خلاف جنگ میں پاکستان کی قربانیوں کااعتراف بھی کیا۔ عبداللہ عبداللہ نے کہاکہ افغانستان میں موجود ملا فضل اللہ حالیہ کارروائی میں بچ نکلنے میں کامیاب ہو گیا مگرہمیشہ نہیں بچ پائے گا۔واضح رہے کہ پاکستان کی جانب سے بارہا افغان حکام سے کہا گیا ہے کہ ملا فضل اللہ افغانستان سے بیٹھ کر پاکستان میں دہشت گرد کارروائیوں میں مصروف ہے اور اس بات کے ثبوت بھی افغان حکام کو فراہم کئے گئے لیکن اس کے باوجود ملا فضل اللہ کے خلاف کارروائی نہیں کی گئی۔