برونائی (نیوز ڈیسک)برونائی میں کرسمس منانے پر پابندی عائد کردی گئی۔ نئے قانون کے مطابق کرسمس منانے والے مسلمانوں کو پانچ سال تک قید کی سزا ہوسکتی ہے جبکہ غیر مسلموںکو کرسمس منانے کی اجازت ہے مگر وہ بھی تقریبات کا اہتمام کھلے عام نہیں کرسکتے اور اگر کھلے عام تقریبات کا اہتمام کیا گیا تو غیرمسلموں کو بھی قید کی سزا ہوسکتی ہے۔ برونائی کی وزارت مذہبی امور کا کہنا ہے کہ کھلے عام کرسمس منانے سے مسلمانوں کے عقائد متاثر ہوسکتے ہیں، اس لئے نئی قانون سازی کی گئی ہے۔ اس سے قبل برونائی میں ہم جنس پرستوں کے لئے سنگساری کا قانون بھی متعارف کرایا گیا تھا جبکہ شراب نوشی اور تمباکو نوشی پر بھی پابندی عائد ہے۔