راولپنڈی(نیوزڈیسک) قطر نے غیرقانونی طورپرمقیم 2 پاکستانیوں کو ملک بدرکردیاجنہیں نجی پرواز کے ذریعے اسلام آباد ایئرپورٹ پہنچنے پر ایف آئی اے نے حراست میں لے لیا۔اطلاعات کے مطابق قطرنے غیر قانونی طورپرمقیم 2 پاکستانیوں کو نجی پروازکیوآر632 کے ذریعے اسلام آباد ایئرپورٹ بھیج دیا۔ ملک بدر کئے گئے افراد کی شناخت بلال اعظم اورغفور احمد سے ہوئی ہے جن کا تعلق گجرات سے ہے۔ ایف آئی اے نے ملک بدرکئے گئے افراد کو حراست میں لے کرپاسپورٹ سیل منتقل کردیا جہاں ان سے تفتیش کا آغازکردیا گیا ہے۔واضح رہے کہ گزشتہ روزبھی ترکی میں غیر قانونی طورپرمقیم 5 پاکستانیوں کو ملک بدرکردیا گیا تھا۔