ماسکو (نیوزڈیسک)روسی پارلیمنٹ کے ایوان زیریں کی کمیٹی برائے امور خارجہ کے سربراہ الیکسے پشکوو نے کہا کہ نیٹو دہشت گردی کے خطرے کے مقابلے کے لیے عملی اقدامات کرنے پر تیار نہیںہے ۔ذرائع ابلاغ کے مطابق ماسکو میں میڈیا سے گفتگو کر تے ہوئے روسی پارلیمنٹ کے ایوان زیریں کی کمیٹی برائے امور خارجہ کے سربراہ نے کہا کہ ان کے مطابق پیرس حملوں کے بعد نیٹو کو چاہئے تھا کہ وہ واشنگٹن سمجھوتے کی دفعہ پانچ پر عمل درآمد کرتا جس کے مطابق اتحاد کے ایک رکن ملک پر حملہ کو پورے اتحاد پر حملے کے مترادف سمجھا جاتا ۔پشکوو نے یاد دہانی کراتے ہوئے کہ کہ نیٹو نے مذکورہ دفعہ پر صرف ایک مرتبہ یعنی نائن الیون حملوں کے بعد عمل درآمد کیا تھاجب امریکہ کو نشانہ بنایا گیا تھا تو نیٹو کے تمام ممالک نے امریکہ کی حمایت کی اور القاعدہ کے خلاف اتحاد میں شامل ہو گئے۔ تاہم یوں لگتا ہے کہ نیٹو فرانس کی عملی حمایت نہیں کرنا چاہتا