نئی دہلی(نیوزڈیسک)بنگلہ دیش نے پاکستان کی جانب سے پھانسیوں کے معاملے پر تنقید کرنے پر تشویش کا اظہار کیا ہے۔تفصیلات کے مطابق بنگلہ دیش نے پاکستان پر الزام عائد کیا ہے کہ وہ 1971 ء کے جنگی جرائم میں ملوث دو اپوزیشن رہنمائوں کی پھانسیوں پر تنقید کر کے اس کے داخلی معاملات میں مداخلت کر رہا ہے۔بنگلہ دیش کے جونیئر وزیر برائے امور خارجہ شہریار عالم نے تنقید کو ناقابل قبول قرار دیتے ہوئے بتایا کہ سخت الفاظ پر مشتمل مذمتی نوٹ پیر کو پاکستانی سفیر کے حوالے کیا گیا۔یاد رہے کہ پاکستانی وزارت خارجہ نے دو اپوزیشن رہنمائوں کی پھانسی کی عدالتی کارروائی کو غلط قرار دیتے ہوئے اتوار کو ہونے والی پھانسیوں پر شدید صدمہ ظاہر کیا تھا۔پھانسیوں کے بعد کسی ممکنہ پر تشدد احتجاج کے پیش نظر بنگلہ دیش میں آج ہائی الرٹ رہا اور ہزاروں سیکیورٹی اہلکار شہروں میں گشت کرتے رہے۔
اپوزیشن پارٹیوں اور سیاست دانوں کے خلاف عدالتی کارروائی پر عالمی برادری نے بھی تشویش ظاہر کی ہے۔