دوشنبے (نیوزڈیسک)تاجکستان کے صدر ایمان علی رحمان بارہ نومبر سے پاکستان کا دو روزہ سر کاری دورہ کر ینگے جس میں وہ پاکستانی ہم منصب ممنون حسین , وزیر اعظم محمد نواز شریف , سینٹ کے چیئر مین میاں رضا ربانی ,سپیکر قومی اسمبلی مرتضیٰ جاوید عباسی اور دیگر اعلیٰ حکام سے ملاقاتیں کرینگے ۔سرکاری ذرائع کے مطابق اس دورے میں دونوں ممالک کے درمیان مختلف شعبوں میں تعاون کے کئی سمجھوتوں پر دستخط بھی کئے جائینگے ۔وزیر اعظم نواز شریف نے حال ہی میں تاجکستان کا دورہ کیا تھا اورتوقع ہے کہ اعلیٰ سطحی دوروں سے دونوں ممالک کے درمیان توانائی اور تجارت سمیت دیگر شعبوں میں تعاون بڑھے گا ۔