اگر تلہ (نیوزڈیسک)بھارت کے ادیبوں اور شاعروں تاریخ دانوں اور دیگر طبقات کی طرف سے ملک میں انتہا پسندوں کی طرف سے جاری پر تشدد واقعات اور عدم بر داشت کے رجحان کے فروغ پر اظہار تشویش کے بعد مختلف ریاسی حکومتوں نے بھی اس صورتحال پر مرکزی مودی حکومت پر سخت تنقید شروع کر دی ہے اور ریاست تری پورہ کے وزیر اعلیٰ مانک سرکار کہا ہے کہ بی جے پی اور آر ایس ایس بھارت کو ایک بار پھر تقسیم کر نے کا منصوبہ بنا چکی ہیں اور وہ اسی حکمت عملی پر عمل پیرا ہیں ۔اگر تلہ میں مفت گھروں کی تقسیم کی تقریب سے خطاب کرتے ہوئے وزیر اعلیٰ مانک سرکار نے کہاکہ ملک میں عدم بر داشت کو فروغ دیا جارہا ہے جس کا واحد مقصد بھارت کو تقسیم کر نا ہے مرکز میں مودی حکومت کو آر ایس ایس چلا رہی ہے اور وزراءبھی عوام کی بجائے آر ایس ایس کے سربرا ہ موہن بھگوت اور دیگر لیڈروں کو جواب دہ ہیں انہوںنے کہاکہ جب سے نئی حکومت بر سر اقتدار آئی ہے ملک میں افراد تفری پھیلائی ہوئی ہے آر ایس ایس لوگوں کے طرز زندگی پر سوالات اٹھارہی ہے جس سے ملک میں مایوسی پھیل رہی ہے ۔انہوںنے کہاکہ کھیلوں ¾ موسیقی ¾ تحریر سمیت تمام شعبوں میں یہ لوگ اپنا نظریہ مسلط کر نا چاہتے ہیں جس سے ملک کمزور ہورہاہے انہوںنے دعویٰ کیا کہ حقیقت میں یہ ایک سوچی سمجھی سازش ہے جس کا مقصد بھارت کو تقسیم کر نا ہے بھارت میں ہندو ¾ مسلمان ¾ بدھ ¾ عیسائی اور دیگر مذاہب کے لوگ رہتے ہیں اور یہاں مختلف مذہبی اختلافات کے باوجود اتحاد قائم ہے لیکن یہ لوگ ہمارے اس نظریئے پر حملہ کررہے ہیں ۔انہوںنے کہاکہ بی جے پی اور آر ایس ایس اس مقصد کےلئے مختلف پالیسیوں میں ترمیم کا بھی اشارہ دے رہے ہیں انہوںنے ان بیانات کی فوری وضاحت کا بھی مطالبہ کیا ۔