ایتھنز(نیوز ڈیسک)یونان کے ساحل کے قریب تارکین وطن کی کشتیاں ڈوبنے سے 5بچوں سمیت 7افراد ہلاک ہو گئے۔غیر ملکی خبر ایجنسی کے مطابق ترکی سے آنے والے تارکین وطن کی چار کشتیاں یونان کے شمالی جزیرے ،Lesbos، کے قریب سمندر میں حادثے کا شکار ہو گئیں۔ کوسٹ گارڈ نے 5بچوں سمیت 7افراد کی لاشیں نکال لی ہیں جبکہ 200سے زائد افراد کو بچا لیا گیا۔ جنہیں طبی امداد کے لیے اسپتال منتقل کردیا گیا ہے۔ کوسٹ گارڈ سمندری جہاز ، کشتیوں اور مقامی افراد کی مدد سے دیگر لاپتا افراد کو تلاش کر رہے ہیں۔