نئی دہلی(نیوزڈیسک)نئی دہلی میں کیرالا کے سرکاری گیسٹ ہاؤس کی کینٹین پر چھاپا پڑوانا ہندو سینا کے سربراہ کو مہنگا پڑگا۔ اطلاع جھوٹی ثابت ہونے پر دہلی پولیس نے انہیں حراست میں لے لیا۔گزشتہ روز نئی دہلی میں ریاست کیرالا کے سرکاری گیسٹ ہاؤس کی کینٹین پرہندو سینا کے سربراہ وشنو گپتا کی شکایت پر دہلی پولیس نے چھاپا مارا کہ وہاں گائے کے گوشت سے بنے کھانے پیش کئے جاتے ہیں۔انتظامیہ کے مطابق کینٹین میں گائے کی جگہ بھینس کاگوشت استعمال کیاجاتا ہے۔ الزام جھوٹا ثابت ہونے پر ہندو سینا کے سربراہ کو آج حراست میں لے لیا گیا ہے۔چھاپا مارنے پر نئی دہلی اور کیرالا کے وزیر اعلیٰ نے دہلی پولیس پرسخت تنقید کی تھی۔