روم(نیوز ڈیسک)مرکزی اٹلی کے ایک سکول نے مبینہ طور پر ہائی ہیلز یعنی اونچی ایڑی کی جوتیاں اورسینڈلز پہننے پر پابندی لگادی ہے۔اس نے اس کی وجہ یہ دی ہے کہ زلزلے کے دوران سکول کو تیزی کے ساتھ خالی کرانے میں ہائی ہیلز رکاوٹ ڈالیں گی۔نئے ضابطے کے مطابق چار سینٹی میٹر سے زیادہ اونچی ہیلز اساتذہ اور طلبہ دونوں کے لیے ممنوع قرار دی گئی ہے۔اینسا نیوز ایجنسی کی خبروں کے مطابق یہ اعلان زلزلے والے صوبے لا کیلا میں اویزانو کے ایک ثانوی سکول میں جاری کیا گیا ہے۔رپورٹ کے مطابق سکول کی انتظامیہ نے مختلف قسم کے جوتے اور جوتیوں پر غور کیا اور اس سے ہونے والی تکالیف اور زخموں کا جائزہ لیتے ہوئے نوکیلے ہیلز اور سپرنگ والے جوتے پر بھی پابندی عائد کی ہے۔سکول کی ہیڈ ٹیچر اینا امانزی نے اطالوی خبررساں ایجنسی کو بتایا کہ ’ان ضابطوں کا تعلق کٹر مسیحی خیالات سے نہیں ہے۔ یہ ہماری سنجیدہ ضرورت ہے کہ ہم بچوں کو تعلیم اور تحفظ کے بارے میں پڑھائیں بطور خاص زلزلے کے خطرات سے دوچار علاقوں کے لیے۔‘ایک استاد نے کہا: ’میں کبھی بھی ہیلز پہن کر سکول نہیں آئی لیکن میرے لیے یہ طریقے واقعی زیادہ ہیں۔‘ایک طالبہ نے کہا کہ ’سکول کی انتظامیہ کو دوسری اہم چیزوں کی جانب توجہ دینی چاہیے جیسے سکول کو گرم رکھنے کے نظام کی جانب۔‘خیال رہے کہ اس علاقے میں سنہ 2009 میں تباہ کن زلزلہ آیا تھا جس میں 309 افراد ہلاک جبکہ 10,000سے زیادہ عمارتوں کو نقصان پہنچے تھے۔