کابل(نیوزڈیسک)افغانستان کی قومی سلامتی کے مشیر محمد حنیف نے کہاہے کہ ملک میں القاعدہ نے ایک مرتبہ پھر اپنے قدم جما لیے ہیں، اور شدت پسند تنظیم ’اسلامک اسٹیٹ‘ یا داعش پہلے سے زیادہ بڑا خطرہ بن کر ابھر رہی ہے۔غیرملکی خبررساں ادارے کے مطابق انہوں نے الزام عائدکیاکہ پاکستانی علاقے شمالی وزیرستان میں سرگرم حقانی نیٹ ورک افغانستان میں شورش برپا کر رہی ہے۔ محمد حنیف کا یہ بیان ایک ایسے وقت سامنے آیا ہے جب افغانستان کے شمالی علاقوں میں طالبان کے حملوں میں شدت آ چکی ہے، اور امریکی صدر باراک اوباما افغانستان سے مکمل طور پر اپنی افواج کے انخلاءکے فیصلے کو تبدیل کر چکے ہیں۔