اسلا م آباد(نیوزڈیسک) پاکستان ، بھارت اورافغانستان سمیت جنوبی ایشیا میں تیس سال بعدپیرکو اتنی شدت کازلزلہ آیا ہے ،نیپا ل میں 25 اپریل کو شدید ترین زلزلہ آیاتھا جس کی شدت 7.8 تھی اور اس میں8900افراد ہلاک اور5لاکھ گھر تباہ ہوئے تھے، نیپال میں ہی مئی میں7.3شدت کازلزلہ آیا جس سے درجنوں افراد ہلاک ہوئے،11اگست 2012ءکو ایران کے شہر تبریز میں 6.4 شدت کازلزلہ آیا جس میں306 افراد ہلاک اور3ہزار سے زائد زخمی ہوئے،8اکتوبر2005ءکوپاکستان میں آنیوالے7.6شدت کے زلزلے میں75ہزار سے زائد افراد جاں بحق ہوئے جن میں خیبرپختونخوا اور آزاد کشمیر سب سے زیادہ متاثر ہوئے اس زلزلے سے تقریباً35لاکھ افراد بے گھر ہوئے۔قبل ازیں 26دسمبر2003ءکو ایران کے شہر بام میں 6.7شدت کازلزلہ آیا جس سے 31884 لقمہ اجل بن گئے جبکہ18ہزارزخمی ہوئے۔26جنوری2001ءکو بھارت کی مغربی ریاست گجرات میں7.7شدت کازلزلہ آیا جس نے پچیس ہزار افراد کو نگل لیا اس حادثے میں ایک لاکھ چھیاسٹھ ہزار افراد زخمی ہوئے۔30ستمبر1993ءکو بھارتی ریاست مہاراشٹرمیں6.3شدت کے زلزلے سے 7601افراد،20اکتوبر1991ءکو اترپردیش میں6.6 شدت کے زلزلے میں768افراد اورقبل ازیں 20اگست1988ءکو مشرقی نیپال میں 6.8شدت کے زلزلے میں721افراد ہلاک اور277زخمی ہوگئے۔