لندن(آن لائن)برطانیہ میں 25 اکتوبرکو مقامی وقت کے مطابق رات دو بجے گھڑیوں کی سوئیوں کو ایک بار پھر سے ایک بجے کے وقت پر واپس لوٹا دیا گیا۔غیر ملکی میڈیا کے مطابق اکتوبر کے مہینے کے آخری اتوار کو یورپ کے بیشتر ملکوں سمیت برطانیہ میں موسم سرما کے معیاری وقت کا آغاز ہو رہا ہے اس روز لوگ اپنی گھڑیاں ملک بھر کی گھڑیوں کے ساتھ ایک گھنٹہ پیچھے کرتے ہیں۔ڈے لائٹ سیونگ ٹائم (ڈی ایس ٹی) دراصل معیاری وقت میں تبدیلی ہے، جس کا مطلب ہے کہ طلوع شمس اور غروب آفتاب گھڑیوں کے مطابق ایک گھنٹہ پہلے ہوں گے۔برطانیہ میں اتوار کا دن چوبیس گھنٹے کا ہونے کے باوجود، اس کی طوالت ایک اضافی گھنٹے کے ساتھ 25 گھنٹوں پر محیط تھی اور سب کو رات میں سونے کے لیے ایک اضافی گھنٹہ ملا۔دنیا کے 70 سے زائد ممالک میں ڈے لائٹ سیونگ ٹائم کے تحت موسم گرما میں گھڑیوں کو ایک گھنٹہ طویل کرنے کا تجربہ کیا جاتا ہے بنیادی طور پر یہ نظام موسم گرما میں روشنی کو زیادہ استعمال کرنے کے لیے متعارف کرایا گیا تھا۔موسم بہار کے آغاز کے ساتھ 27 مارچ 2016ءسے برطانیہ میں گھڑیوں کو ایک گھنٹے آگے کر دیا جائے گا جس سے دن 23 گھنٹوں کا ہوتا ہے۔