پیرس(نیوزڈیسک)کویت فرانس سے ایک ارب یورو مالیت کے 24 ہیلی کاپٹر خریدے گا اس حوالے سے ڈھائی ارب یورو کے معاہدے پر دستخط کردیئے گئے ہیں ۔فرانسیسی حکومت کی جانب سے جاری بیان میں کہا گیا ہے کہ اس ڈیل کے تحت ایک ارب یورو مالیت کے 24 ہیلی کاپٹر کویت کو مہیا کیے جائینگے جبکہ کویت مستقبل میں اسی ڈیل کے تحت مزید 6ہیلی کاپٹر بھی حاصل کر سکے گا۔ اس معاہدے کے تحت فرانس کم وزنی عسکری گاڑیاں اور پٹرولنگ بوٹس بھی کویت کو مہیا کرےگا۔واضح رہے ایک ماہ قبل کویت نے 28 ٹائیفون جنگی طیارے خریدنے کا اعلان بھی کیا تھا۔