تہران(نیوزڈیسک)ایران کی حکومت نے خانہ جنگی سے دو چار عرب ملک شام کے صدر بشار الاسد کی فوجی امداد بڑھانے کا عندیہ دیا ہے اورکہاہے کہ وہ صرف داعش کو نشانہ بنائیں گے ،غیرملکی خبررساں ادارے کے مطابق ایران کے نائب وزیر خارجہ امیر عبداللہیان نے امداد بڑھانے کے علاوہ اِس کی تردید کی کہ ایرانی جنگجو شام میں باغیوں کے خلاف جنگ میں شریک ہیں، نائب وزیر خارجہ نے ایران کے جنگی مشیروں کی عراق اور شام میں موجودگی کی تصدیق بھی کی ،ایرانی اہلکار نے واضح کیا کہ شام میں دہشت گردی کے انسداد کے لیے دمشق حکومت کی امداد میں اضافے پر سنجیدگی سے غور کیا جا رہا ہے۔
آج کی سب سے زیادہ پڑھی جانے والی خبریں
