جدہ (نیوز ڈیسک) سعودی عرب سے تعلق رکھنے والے ایک معروف عالم دین عبدالعزیز الفوزان نے فتوی دیا ہے کہ غیر مسلم ممالک میں مقیم مسلمان خواتین کو اگر خطرہ محسوس ہو تو وہ اپنا حجاب اتار سکتی ہیں ۔ سعودی دارالحکومت ریاض میں واقع ایک اعلیٰ عدالتی ادارے میں فقہہ کے پروفیسر عبدالعزیز الفوزان کا کہنا ہے اگر حجات پہننے پر محض فقرے کسے جانے کا امکان ہو تو خواتین لازمی اپنا جسم اورمنہ ڈھانپیں لیکن اگر جسمانی حملے کا خطرہ ہو تو انہیں حجا ب اتارنے کی اجازت ہے ۔ انہوں نے کہاکہ ایسی صورت میں بھی خواتین کو چاہیئے کہ وہ جسم کا زیادہ سے زیادہ حصہ اور بالوں کو چھپائے رکھیں ۔عبدالعزیز الفوزان کی جانب سے یہ بیان سعودی عرب کے سیٹلائٹ مذہبی ٹی وی چینل المجد پر نشر کیاگیا ہے ۔