ریاض (نیوزڈیسک)سعودی عرب کے فرانس سے اربوں ڈالرکے تاریخی معاہدے طے پاگئے . سعودی عرب اور فرانس کے درمیان سرمایہ کاری کے 11.4 ارب ڈالر کے معاہدوں پر دستخط ہوئے ہیں۔ فرانسیسی وزیراعظم مینوئل والز نے اپنے سعودی عرب کے دورے کے دوران سعودی فرانسیسی بزنس فورم کا افتتاح بھی کیا۔ فورم میں 200 فرانسیسی کمپنیوں کے نمائندوں نے شرکت کی۔ فرانسیسی وزیراعظم نے سعودی تاجروں سے کہا ہے کہ وہ فرانس میں آئیں اور سرمایہ کاری کریں۔ سعودی عرب اپنی معیشت کو کثیرالجہت بنانا چاہتا ہے اور فرانس اس مقصد میں اس کی مدد کرے گا۔سعودی وزیرصنعت و تجارت توافق الربیعہ کا کہنا تھا کہ فرانس اور سعودی عرب آپس میں مضبوط اسٹریٹجک پارٹنرشپ قائم کرنے کے لیے جدوجہد کر رہے ہیں۔انہوں نے کہا کہ سعودی عرب اپنی صنعت کو متنوع بنانا چاہتا ہے اور اس مقصد کے لیے بیرونی سرمایہ کاروں کو راغب کرنے کے لیے انتظامیہ امور و دیگر طریقہ کار کو سہل بنایا جائے گا تاکہ فرانس کی طرح دیگر ممالک کے سرمایہ کار بھی سعودی عرب میں سرمایہ کاری کریں۔ دریں اثناءسعودی عرب میں چیمبر آف کامرس کے سربراہ عبدالرحمن الزمل نے فورم کے موقع پر خطاب کرتے ہوئے کہا کہ ملک میں پرائیویٹ کمپنیوں کے لئے سرمایہ کاری کے بہترین مواقع ہیں۔ تیل کی قیمتوں میں کمی کو بحران نہ سمجھا جائے انہوں نے کہا سعودی حکومت کو چھوٹے اور درمیانے درجے کے منصوبوں میں مشترکہ سرمایہ کاری کو ترجیح دینی چاہیے۔اس موقع پر فرانسیسی وزیرٹرانسپورٹ فیڈالی کا کہنا تھا کہ اس سے قبل بھی 80فرانسیسی کمپنیاں سعودی عرب میں کام کر رہی ہیں ج