دمشق(نیوزڈیسک)اعش کے جنگجوو ں نے اس سال فروری میں شام کے شمال مشرقی علاقے الحسکہ میں کردملیشیا کے ساتھ لڑائی کے دوران قریباً دو سو آشوری عیسائیوں کو اغوا کر لیا تھا۔انسانی حقوق کے دو گروپوں کے مطابق ان ہی میں سے تین افراد کو قتل کیا گیا ہے۔میڈیارپورٹس کے مطابق برطانیہ میں قائم شامی آبزرویٹری برائے انسانی حقوق نے جمعرات کو ایک بیان میں بتایا ہے کہ ان تینوں کو گذشتہ ماہ قتل کیا گیا تھا لیکن ان کی ہلاکت کی تصدیق اسی ہفتے ایک ویڈیو کے منظرعام پر آنے کے بعد ہوئی ہے۔آشوری انسانی حقوق نیٹ ورک کے مطابق داعش کے جنگجوو ¿ں نے فروری سے ایک سو ستاسی آشوریوں کو یرغمال بنا رکھا ہے۔ان دونوں تنظیموں کا کہنا ہے کہ ان میں سے تین یرغمالیوں کو دوہفتے قبل عیدالاضحیٰ کے موقع پر قتل کیا گیا تھا۔داعش کی جانب سے عیسائیوں کے قتل کی اطلاعات پر یورپی یونین میں شدید ردعمل کا اظہار کیاجارہا ہے ۔توقع کی جارہی ہے کہ اس واقعہ کے بعد یورپی یونین داعش کے خلاف اپنی کارروائیوں میں مزید اضافہ کرے گی۔