کابل (اے این این)امریکہ فضائیہ کے جیٹ طیاروں کی طالبان کے مفتوحہ صوبہ قندوز میں ہسپتال پربمباری ،3مریض ہلاک جبکہ 30سے زائد لاپتہ ہوگئے ۔برطانوی خبر رساں ادارے کی رپورٹ کے مطابق افغانستان میں طالبان کے زیر قبضہ قندوز کے ایم ایس ایف ہسپتال پر امریکی فضائیہ کے لڑاکا طیاروں نے بمباری کی جس کے نتیجے میں 3افراد ہلاک جبکہ 30سے زائد لاپتہ ہوگئے ۔محکمہ صحت کے ترجمان ڈاکٹر سعد مختار نے میڈیا کو بتایا کہ امریکی لڑا کا طیاروں نے خفیہ ایجنسیوں کی غلط رپورٹ کی بنیاد پر کی کہ ہسپتال میں زخمی طالبان رہنماﺅں کا علاج کیا جارہاہے جبکہ یہ رپورٹ بے بنیاد نکلی اور ڈاکٹر اور مریض ہلاک اور زخمی ہوگئے ۔افغانستان میں تعینات امریکی و اتحادی فورسز کے ترجمان کرنل بریان ٹریبس نے اپنے ایک بیان میں کہاکہ امریکی فضائیہ کے قندوز ہسپتال پر تین اکتوبر کی شب سوا دو بجے کی جانے والے فضائی حملے کی تحقیقات کی جارہی ہیں۔بمباری کے نتیجے میں ہسپتال مکمل طورپر تباہ ہوگیاہے ۔ڈاکٹر سعد مختار کے مطابق حملے کے وقت علاقے کے اس واحد بڑے ہسپتال میں طبی عملے اور مریضوں سمیت تقریباً 200کے افراد موجود تھے ۔ہسپتال میں قندوز پر قبضے کے دوران طالبان اور افغان سکیورٹی فورسز کے درمیان لڑائی میں زخمی ہونے والے افراد زیر علاج تھے ۔یاد رہے کہ طالبان نے فیصلہ کن معرکہ آرائی کے بعد چند روز قبل قندوز پر قبضہ کرلیاہے جبکہ طالبان نے ایک اورضلع وردج پر کا بھی کنٹرول حاصل کرنے کا دعویٰ کیاہے ۔