کوئٹہ (نیوز ڈیسک) لیویز کی گشتی گاڑی پر ایرانی فورسز کی فائرنگ سے چار لیویز اہلکار زخمی ہو گئے۔ اسسٹنٹ کمشنر ماشکیل نصیر جتک کے مطابق یہ واقعہ بدھ اور جمعرات کی درمیانی ایرانی سرحد سے متصل علاقے بچہ رائی میں پیش آیا لیویز حکام کے مطابق ایرانی فورسز کے اہلکاروں نے یہ حملہ پاکستانی حدود میں گھس کر کیا جس کے دوران وہ لیویز اہلکاروں سے 5 عدد کلاشنکوف و رانڈز اور ان کے موبائل فونز و دیگر اشیاءبھی چھین کر لے گئے۔ واقعے کی اطلاع ملتے ہی اسسٹنٹ کمشنر ماشکیل جائے وقوعہ کی جانب روانہ ہوگئے جبکہ ضلع واشک کے انتظامیہ کی جانب سے ایرانی حکام کو احتجاجی مراسلہ بھی ارسال کرکے وضاحت طلب کی گئی۔