نئی دہلی(نیوزڈیسک)بھارتی وزیرخارجہ سشما سوراج نے کہاہے کہ ان کا ملک پاکستان کے ساتھ نتیجہ خیز مذاکرات کا خواہاں ہے تاہم پاکستان کو چاہیے کہ وہ سنجیدگی کا مظاہرہ کرے،غیرملکی خبررساں ادارے سے بات چیت کرتے ہوئے بھارتی وزیرخارجہ سشما سوراج نے کہاکہ بھارت خطے کے تمام ممالک بالخصوص پاکستان کے ساتھ اچھے تعلقات چاہتا ہے،انہوں نے کہاکہ بھارت نے پاکستان کو دونوں ممالک کے مشیر داخلہ کے درمیان ملاقات کی تجویز دے دی ہے ہم نے کہاہے کہ 23 اور 24 اگست کو پاکستان اور بھارت کے مشیر قومی سلامتی نئی دہلی میں ملاقات کر سکتے ہیں۔انھوں نے کہا کہ بھارت پاکستان کے ساتھ تمام معاملات مذاکرات کے ذریعے حل کرنا چاہتا ہے۔