ابوجا(نیوزڈیسک)نائجیریا کے شہر گومبے میں 2 بس اڈوں پر خواتین خود کش بمباروں کے حملے کے نتیجے میں 30 سے زائد افراد ہلاک جب کہ درجنوں زخمی ہوگئے.غیرملکی خبررساں ادارے کے مطابق نائجیریا کے شمالی شہر گومبے میں 2 بس اڈوں پردھماکوں کے نتیجے میں 30 سے زائد افراد ہلاک جب کہ متعدد زخمی ہوگئے تاہم سرکاری حکام نے 30 افراد کی ہلاکت کی تصدیق کی ہے۔ مقامی حکام کا کہنا ہے کہ دونوں بس اڈوں پر حملہ خواتین خودکش بمباروں نے کیا جو بھکاریوں کے بھیس میں تھیں تاہم اب تک کسی کی جانب سے واقعے کی ذمہ داری قبول نہیں کی گئی۔واضح رہے کہ گزشتہ ہفتے بھی گومبے شہرہی کے ایک بازارمیں بم دھماکے کے نتیجے میں 49 افراد ہلاک ہوئے تھے اور حکام نے اس حملے کا الزام بوکوحرام پرعائد کیا تھا تاہم بوکو حرام کی جانب سے اس کی تصدیق یا تردید نہیں کی گئی تھی